Link açıqlığı

Saatnıñ esas haberi

Aqmescitte bir sıra soqaqta suv berilüvini sıñırladılar – «Voda Krıma»


Mayısnıñ 8-nde Aqmescitte sabaasaat 9 buçuqtan bir sıra soqaqta suv berilüvini sıñırladılar. Bunı «Voda Krıma» müessisesi haber etti.

Bunıñ Pobedı 268 caddesinde yerleşken suvq suv techizatı ağlarında tamir işleri yapılması ide bağlı olğanı qayd etile.

Berilgen malümatqa köre, suvnı böyle soqaqalarda sıñırlağanlar: Şkolnaya, Yasnaya, Yagodnaya, Teslenko, Vostoçnaya, Stepnaya, Tihaya, Drujnıh, Aprelskaya, Tenistaya, Mayskaya, Otvajnıh, Belaya, Festivalnaya, Pobedı caddesi (qısmen).

Suvsız bularğa yantayğan soqaq ve aralıqlarda da yoq.

Qırımnıñ Rusiye ükümeti bildirgenine köre, yarımadanıñ suv teminatı ile «eñ yaramay stsenariyge» azırlanalar.

Kreml kontrolindeki Qırım yolbaşçısı Sergey Aksenovnıñ bildirgenine köre, Rusiye Qırımnıñ suv teminatı vaziyeti fevqulâde olğanını tanıy. O, 2020 senesi 150 yıl içinde eñ quru oldı, dep bildirdi.

Qırımnıñ suv teminlevi

Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.

Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.

2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.

Avgustnıñ soñunda Aqmescitte, Aqmescit ve Bağçasaray rayonlarında suv berüv cedvelleri kirsetilgen edi. Daa soñra Qarasuvbazarda, Qarasuvbazar rayonında ve qısmen Aluştada cedveller kirsetildi.

Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.

Rusiye akimiyeti yañı suv boruları, suv qoralarınıñ quruluvına ve quyu qazıluvına milliardlarnen ruble ayırdı.

BM Ukraina Monitoring missiyası, halqara uquqqa köre, Rusiye Qırım ealisini suvnen temin etüvden mesüliyetli ola, dep israr ete.

Resmiy Kyiv, Şimaliy-Qırım kanalından suv yarımadağa tek Qırım işğalden qurtarılğan soñ berilecek, dep bildire.

XS
SM
MD
LG