Aqmescitte (Simferopol) yol tamiri sebebinden bir qaç soqaqta bir yarım ayğa maşna yürmesi toqtatıldı.
Bunı Rusiye nezaretindeki şeer memuriyeti bildirmekte.
"Aqmescitte yerli avtomobil yollarınıñ temel tamirlevinden sebep, Selskaya soqağında (Mamedi Emir-Üsein soqağınen çaprazından Çapçakçi Hatice soqağınen çaprazınace) naqliyat yürmesi vaqtınca sıñırlanğan", - denile beyanatta.
Sıñırlav sentâbr 17-sinde başlandı ve 45 künge, yani oktâbr 31-inece sürecek.
Marşrut naqliyatınıñ yürmesi aylançıq yoldan keçecek, dep bildirile memuriyet saytında.
Rusiye Qırımnı ilhaq etkeninden soñ, aydavcılar, yol tıqanıqlıqlarına şikâyet ete.
