Aqmescit sakinleri şeerde bir qaç patlav sesi eşitilgenini bildireler. Bunıñ aqqında yerli telegram kanalları yaza.
"Jest Krım" telegram kanalı patlav sesleri 51-armiya soqağı rayonında eşitilgenini haber ete.
"Aqmescitte 51-armiya soqağında patlav sesleri eşitile, em de o qadar küçlü ki, pencere camları beş daqqa devamında tasırday", - dei yazıla bildirmede.
"Çp / Simferopol" telegram kanalı ise şeerde dört patlav aqqında haber ete.
Şimdilik Rusiye akimiyetiniñ bu vaziyetke dair resmiy izaatları yoq.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
