Aqmescitte "Gorod" şirketiniñ işçileri reklama tahtalarınıñ yıqmasını devam ete. Bunı rusiyeli şeer memuriyeti başınıñ birinci muavini Sergey Bajan haber etti.
Onıñ malümatına köre, Pobedı caddesinde 50-den ziyade olğan billboardlarnıñ yıqmasını devam eteler.
"Şimdilik Pobedı caddesinde 30-dan ziyade billboardnı yıqtılar. Yıqma işleri gece de devam ete", - yaza Bajannıñ sözlerinden şeer memuriyetiniñ matbuat hızmeti.
Memur, billboardlar şeerniñ başqa rayonlarında da yıqtırılacağını qoştı.
