Aqmescitte Rusiye kontrolindeki Kiyev rayon mahkemesinde iyünniñ 12-nde Rusiye FSBsi tarafından «bazardaki terror ücümini» azırlav davası boyunca tutulğanlarnıñ sıñırlav tedbiri belgilendi.
Akimiyet tarafdarı «Krıminform» haber hagentliginiñ malümatına köre, üç kişi eki ayğa nezaret altına alındı, dördüncisi ev apsine yollanıldı.
Tutulğan şahıslardan biriniñ advokatı Sergey Legostov şübhelilerniñ sıñırlav tedbiri belgilenecek, dep Qırım.Aqiqatqa tasdıqlağan edi.
İyünniñ 10-nda Rusiye FSBsi Aqmescit bazarlarından birinde terror ücüminiñ ögüni aldı, dep bildirdi. Berilgen malümatqa köre, elnen yapılğan patlayıcı cihazlar, silâ ve azırlanğan cinayetler aqqında malümat taşığan bağ vastaları alındı.
FSB malümatına köre, tutulğanlar «Ukrainanıñ cenüp-şarqında cenkleşken radikal ukrain birleşmeleriniñ vekillerinen» bağda edi.
Ukraina tarafı buña daa cevap bermedi.
