Link açıqlığı

Saatnıñ esas haberi

«Kimse qalmadı, er kesni alğanlar». Apiske alınğan qırımlılarnıñ anası ikâye ete (video)


«Kimse qalmadı, er kesni alğanlar». Apiske alınğan qırımlılarnıñ anası ikâye ete (video)
Bekleñiz, lütfen

No media source currently available

0:00 0:05:25 0:00

Qırımnıñ Aqmescit rayonındaki Mamaq (Stroganovka) köyünde yaşağan Suleymanovlar ailesiniñ evinde Rusiye quvetçileri tintüv keçirgen soñ ayatları pek deñişti. Ruslan Suleymanov – «Qırım birdemliginiñ» faali, Rusiye mahsus hızmetleri tarafından semetdeşleriniñ taqip etilüvine qarşı narazılıq bildirgen edi – 2019 senesi martnıñ 27-nde tutuldı. Ruslan Aqmescitteki ekinci «Hizb ut-Tahrir davasınıñ» mabüsi ola ve SİZOda buluna. Eskender Suleymanov – Ruslannıñ qardaşı – 2019 senesi iyünniñ 10-nda tutuldı. O – Aluştadaki «Hizb ut-Tahrir davasınıñ» mabüsidir. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. Aq qorçalayıcılar «Hizb ut-Tahrir davası» boyunca apiske alınğan ve mahküm etilgen khırımlılarnı siyasiy mabüs dep saya, olarnıñ taqip etilüvi ise diniy sebeplernen bağlı olğanını ayta. Tutulğan qırımlılarnıñ anası Zera Suleymanova evlerinde keçirilgen tintüvni ağlap hatırlay. «Olarnıñ qabaatsız olğanını bilip, büyük apis cezalarını alacağını bilmek pek qıyın. İnsanlar bir şey yapmayıp apiste yatmamalı», – dep ayta qadın. Eki oğlu apiske alınğan Suleymanovlar qorantası nasıl yaşay – videoda seyir etiñiz.

XS
SM
MD
LG