Aqmescitte, mesken evlerde kirli suvnıñ aqmasını olduqça azlaştırmaq içün filtrlerni daima temizlemege vade eteler. Bunı "Voda Krıma" müessisesiniñ başı Vladimir Bajenov bildirdi.
"Filtrni yuvdıq, saba temiz edi. Adamlar şikâyet etmedi. Aqşamğa yaqın kene nasıldır kirliusv aqıntısı keldi. Yani demek mümkün ki, daoma filtrlerni temizlep oturacaqmız", - dedi Bajenov.
Daa evel Bajenov, Aqmescitniñ bir soqağında "şahsiy inşaatlar içün" borular bozulğanını ve bundan sebep çeşmelerden çirkef suvlar ile qarışqan suv aqqanını bildirdi.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
