Aqmescitte yarıq söndürilecegi aqqında bildirile. Böyle cedvel “Krımenergo” müessiseniñ saytında derc etilgen.
Demek, saat 8-den saba Aqmescitte Generala Telegina, İndustrialnaya, Spera, ve Dzübanova soqaqlarında yarıq olmaycaq.
Bundan ğayrı, Aqmescit rayonınıñ Eski Lez (Skvortsova), Şkolnoye ve Solneçnoye köylerinde saat 9-dan başlap yarıq söndürilecek. Elektrikanı saat 17:00-da berecek olalar.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
