Martnıñ 21-inde Aqmescitte tamir işleri sebebinden suv qapatılacaq.
“Vodı Krıma” müessisesi bildirgeni kibi, saat 10:00-dan başlap saat 15:00-ğa qadar Novaya soqağında suv olmaycaq, saat 10:00-dan başlap saat 12:00-ğa qadar B. Hohlova, Golubtsa, Z. Ruhadze, S. Tülenina, L. Şevtsovoy, Turkeniça, Kudrâşova soqaqlarında ve Livadki köyünde suv qapatılacaq.
Bundan ğayrı, saat 10:30-dan saat 17:00-ğace Molodöjnoye köyüniñ Şkolnaya soqağında suv olmaycaq.
Keriçte martnıñ 25-inde bir kün devamında suv teminatında aqsav olacaq.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
