Aqmescitniñ bir qısmı aprelniñ 17-nde tamir-qaza işleri sebebinden suvsız qaldı, dep bildirile «Voda Krıma» («Qırım suvı») saytında.
Saat 10:00-dan 14:00-ke qadar aşağıdaki adresler boyunca suv olmaycaq: Lenin soq., № 16-24, 33-43; Studençeskaya soq., 8 Mart soq., Fabriçnıy enişi, Yefremov soq., Volodarskiy soq. ve Kurçatov soqağı, Yefremov soqağından Studençeskaya soqağına qadar.
Müessiseniñ malümatına köre, saat 10:20-den saat 15:00-ke qadar suv Kiyevskaya soq., 82-98, Gagarin soq., 17-35, Gaydar soq., Miçurin soqañında olmaycaq.
Daa evel «Voda Krıma» müessisesi qırımlılardan suv qullanuvına ratsional ve tutumlı şekilde yanaşmasını rica etken edi.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
