Aqmescitniñ bir qısmı tamir işleri sebebinden martnıñ 2-sinde suvsız qaldı. Bu aqta “Vodı Krıma” teşkilâtınıñ matbuat hızmeti bildirmekte.
Müessiseniñ haber etkenine köre, suv bu adresler boyunca olmaycaq: Yañı Abdal (Beloye) mirkorayonı, Aykovan, Akropolis, Hoş keldi, Bavurçı (Kamenka), “Gorki” ve “Stroitel” ortaqlıqları.
Tamir işleri saat 8:00-dan 16:00-ğace yapılacaq.
Qırım Rusiye tarafından ilhaq etilgen soñ Ukraina, Dneprniñ baş yatağını yarımadanen bağlağan Şimaliy Qırım kanalı boyunca yarımadağa suv bermekni toqtattı. Ukraina bu kanal vastasınen Qırımnıñ tatlı suvda ihtiyaclarınıñ 85%-ini temin ete edi.
