Aqmescitniñ bir qısmı salı künü, sentâbrniñ 18-nde, planlaştırılmağan tamir işlerinden sebep ışıqsız qalacaq. Bunı «Krımenergo» matbuat hızmeti haber ete.
«Saat 8-den saat 17-ge qadar elektrik energiyası aşağıdaki adresler boyunca berilmeycek: Malosadovaya soq., 2-8,12 (çift), 1-11 (tek); Olençuk soq., 1-5 (tek); Tsentralnaya soq., 20-48 (çift), 17-45 (tek); Tsentralnıy aral., 35 (çift)», – dep aytıla ilânda.
«Krımenergo», yarımada sakinlerini oktâbr ayında ışıqlar söndürilecegi aqqında tenbiyelegen edi.
2016 senesi baarde Qırımda Rusiye energetik köprüniñ dörtünci teli işke tüşürilse de, elektrikler kene kesile. 2015 senesi dekabr ayından itibaren Qırımğa esas Ukrainadan elektrik energiyası kelmey, çünki Herson vilâyetindeki elektrik qulleler bozuldı. Al-azırda Qırım öz generatsiyası, Rusiyedeki generator donatmaları ve Kuban energetik köprü sayesinde elektrik energiyasınen temin etile.
