Sentâbr 19-ında Aqmescitniñ (Simferopol) bir qaç soqağı bütün künge yarıqsız qalacaq.
Bu aqta "Krımenergo" müessiseniñ matbuat hızmeti bildirmekte.
Bildirüvge köre, Aqmescitte elektrik teminatnıñ toqtatılması tamir işlerinen bağlı.
"Sentâbr 19-ında elektrik teminat böyle adresler boyunca olmaycaq: Bavurçı qasabası, "Sadko" ortaqlığı; Pirogova soq., 16-48 (çift), 19-67 (tek); Rıleyeva soq., 6/1, 8-12 (çift), 15-21 (tek); Borisa Hohlova soq., 1-53 (tek); Vladimira Datsuna soq., 2, 4-25; Sofi Perovskoy soq., 1-38, 40-48 (çift); Pirogova aral., 3-6, 8; Leskova soq., 35, 37», – denile beyanatta.
"Krımenergo" oktâbr ayında plan boyunca olacaq yarıq söndürmeleri aqqında ihtar ete edi.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
