Aqmescitte dekabrniñ 26-nda «Çoqraq» qasabası suvsız qaldı. «Voda Krıma» müessisesi haber ete ki, suvuq suv ağlarında tamir-qaza işleri keçirile.
Berilgen malümatqa köre, suv aqşam saat 17-ge qadar olmaycaq.
Dekabrniñ 9-na keçer gecesi Aqmescitte qaza oldı, onıñ neticesinde bir qaç rayon suvsız qaldı. Qurtarıcılarnıñ malümatına köre, 200 biñ insan suvsız qaldı.
«Voda Krıma» müessisesiniñ hadimi qazanı yoq etkende elâk oldı.
Ukraina Qırımnıñ suv ihtiyaclarınıñ 85%-ını qarşılağan edi. Şimal-Qırım kanalı Dnipro ve yarımadanı bağlağan esas yol edi. 2014 Seneki Rusiye Qırımnı işğal etken soñ yarımadağa suv berilmey qaldı.
