Aqmescitniñ bir qısmı martnıñ 7-nde keçirilgen tamir işleri sebebinden suvsız qalacaq. Bu aqta «Voda Krıma» saytında haber etile.
Müessise bergen malümatqa köre, saat 13:00-ten 16:00-ğa qadar Poligonnaya, Jidkova, Kommunalnaya, Angarskaya, Starozenitnaya, Zaharova, Çernomorskaya soqaqları, Krılov, İnge çaprazı, İnternatsionalnaya ve yaqındaki soqaqlar ve çaprazlarda suv olmaycaq.
Saat 14:00-den 17:00-ge qadar tamir işleri sebebinden Levadki köyü de suvsız qalacaq.
«Voda Krıma» müessisesi yarımada sakinlerini suv qullanuvına muqaytlıqnen ve ratsional şekilde yanaşmağa çağırğan edi.
Haber etilgeni kibi, Qırımda 2019 senesi devamında Rusiye akimiyeti elektrik ve suv fiyatlarını arttıracaq.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
2014 senesi Rusiyeniñ Qırım işğalinden soñ yarımadağa suv berilüvi toqtatıldı.
