Cuma künü, iyülniñ 12-sinde Aqmescitniñ bir qaç soqağında tamir işleri sebebinden suv qapatılacaq. Bu aqta "Voda Krıma" müessisesiniñ matbuat hızmeti bildirmekte.
"2019 senesi iyül 12-sinde saat 9:30-dan 14:00 qadar Fevralskaya soq., 14 adresi boyunca tamir işleri yapılğanından sebep, Fevralskaya soqağında ve Fevralskiy aralığında suv teminetı sıñırlanacaq", - denile beyanatta/
Bundan ğayrı, suvuq suv borularınıñ tamirlevi sebebinden Kimovskiy aral., 9, 11, 13, Yevpatoriyskoye şosse 41-67 ve Zelenıy aralığında suv teminetı sıñırlanacaq.
Qırımda suvnı sıq-sıq qapatar. Bu, ağlarnıñ ipranğanınen ve suv ve çirkef borularınıñ yarılğanınen bağlı.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
