Fevralniñ 18-inde Aqmescitniñ (Simferopol) bir qaç soqağı bütün künge yarıqsız qalacaq.
Bu aqta "Krımenergo" müessiseniñ matbuat hızmeti bildirmekte.
Bildirüvge köre, Aqmescitte elektrik teminatnıñ toqtatılması, tayanğıçlarnıñ deñiştirmesinen ve temelli tamir işlerinen bağlı.
"Fevralniñ 17-sinde elektrik teminat böyle adresler boyunca olmaycaq:
Marşala Rıbalko soq., 58-68, 49-69; Dunayskiy aral., 2-12., 3-17; Dmitriyeva soq., 50-70, 45-61; Rojdenstvenskaya soq., 58-62; Gridasova soq., 41, 57, 60; Güzel soq.; Duvanköy soq., Qarasuv soq., Mishor soq., Doğlu soq., Irğat Qadır soq., Gaspralı soq.", - denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
