Aqmescitniñ bir qaç soqağı cuma künü, mayıs 31-inde bütün kün yarıqsız olacaq.
Bu aqta "Krımenergo" müessisesiniñ matbuat hızmeti bildirmekte.
Beyanatqa köre, Aqmescitte bu kün tamir işleri ve tayanğıç deñiştirilmesi yapılacaq.
"Mayıs 31-inde elektrik energiya böyle adresler boyunca olmaycaq: Luganskaya soq., 4-24, 3-27; Muromskaya soq., 2-28, 3-23; Şahtörov, 75; Kalinina, 20-28; Spera soq., 24-66; İndustrialnıy aral., 1-9, 41; Eskadronnaya soq., 8, 16, 15-23", - denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
