Aqmescitte çarşenbe künü, avgust 7-sinde tamir işleri sebebinden bir qaç soqaqta suv olmaycaq. Bu hususta "Voda Krıma" müessisesi bildire.
Suv teminatı saat 9:30-dan 14:00-qace böyle adresler boyunca olmaycaq: 60 let Oktâbrâ soq., №2-12; Zalesskaya soq., №68-74; Gavena soq., №97-103.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
