Aqmescitniñ bir qaç soqağında bazarertesi künü, aprelniñ 15-nde, elektrikler kesilecek.
Bu aqta «Krımenergo» müessisesiniñ matbuat hızmeti bildire.
Qayd etilgenine köre, Aqmescitteki elektrik kesüvleri umumiy tamir işleri ve diger tamir işlerinen bağlı.
«Aprelniñ 15-nde aşağıdaki adresler boyunca elektrikler olmaycaq: Zalesskaya soq., 68-74 (çift), 80, 73, 101, 109, 111, 117, 119; 60 let Oktâbrâ soq., 8, 10, 12/66; Uzlovaya soq., 18, 20; Bazovaya soq., 6; Severnaya soq., 6, 6a; Nikolayevskoye şos., 3km; Puşkin soq., 12-16a, 18/6(çift), 15-19(tek); Gogol soq., 9, 14», – dep aytıla haberde.
Bundan evel «Krımenergo» yarımada sakinlerini aprel ayında elektrik energiyasınıñ kesilüvi planlaştırıla, dep tenbiyelegen edi.
2016 senesi baarde rus energoköprüniñ dördünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Hatırlatamız, qomşu Rusiye prezidenti Vladimir Putin martnıñ 18-nde Aqyardaki Balıqlava issilik elektrostantsiyasına kelip, işğal etilgen Qırımda eki yañı elektrostantsiyanı çalıştırmağa vazife berdi.
