Link açıqlığı

Saatnıñ esas haberi

Aqmescitniñ şeer şurası yañı şeer yolbaşçısını sayladı


Natalya Malenko
Natalya Malenko

Rusiye kontrolindeki Aqmescitniñ şeer şurası yañı şeer yolbaşçısı olaraq Natalya Malenkonı sayladı. Bu aqta Qırım kütleviy haber vastaları haber ete.

İgor Lukaşev işten ayırılğan soñ o, Aqmescit memuriyeti yolbaşçısınıñ birinci muavini vazifelerini eda etken edi.

Natalya Malenkonıñ namzetine şeer şurasınıñ sessiyasında olğan 31 deputattan 30-ı rey berdi.

Saba yarış komissiyası Aqmescit memuriyetiniñ yolbaşçısı vazifesine eki namzetni belgiledi. Reylerniñ ekseriyetini yolbaşçı vazifelerini eda etken memuriyet yolbaşçısınıñ birinci muavini Natalya Malenko (80 rey) ve vaqtınca çalışmağan Oleg Simonov (69 rey) aldılar.

Bu sene noyabrniñ 9-nda Rusiye tayin etken Qırım yolbaşçısı Sergey Aksenov Aqmescit memuriyetiniñ reberi İgor Lukaşevniñ işten boşatılğanını ilân etti. O, Qırım yolbaşçısınıñ talabı ile istifa aqqında ariza yazdı.

Bundan evel Aksenov Aqmescit şeer yolbaşçısı ve memuriyetiniñ diger hadimlerini çöplük çıqarılması, yollarnıñ tamir etilmesi, tıqanıqlıqlar ve taksi işinen bağlı meselelerden sebep çoq tenqit etken edi.

XS
SM
MD
LG