Aqmescitnıñ bir qaç soqağı aprelniñ 30-ında bütün künge yarıqsız qalacaq.
Bu aqta "Krımenergo" müessisesinıñ matbuat hızmeti bildirmekte.
Beyanatqa köre, o künü Aqmescitte elektrikanı söndürülivi tayanç deñiştirilmesinen bağlı.
"Aprelniñ 30-ında böyle adresler boyunca yarıq olmaycaq: İndustrialnıy aral., 1-9, 41; Kalinina soq., 20-28, 33-37; Kalinina/Dzübanova soq.; Spera soq., 24-66, 37-53; Eskadronnaya soq., 16, 15-23", - denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
