Moskovadan Aqmescitke uçqan "Ural ava yolları"nıñ Airbus A321 uçağı, Moskova yanında mecburiy qonğanından soñ, 23 adamnı hastahanege qoydılar, olardan beşi - bala. Bunı Radio Svoboda bildire.
Rusiye Sağlıq Nazirliginiñ malümatına köre, yaralanğan adamlarnıñ yaşayışına telüke yoq.
Uçaqta 234 adam bar edi, olardan yedisi ekipaj azaları. Şimdi bilingenine köre, 10 adam yaralandı, olarnıñ arasında üç bala bar.
Qaza sebebini köçüricige oğrağan quş sürüsinden köreler, dep bildireler avia şirketinde. Bundan sebep köçürici yanıp başladı.
Yolcularnı şişirme merdivenden tahliye ettiler.
Uçaq, Jukovskiy ava limanından ilhaq etilgen Qırımğa doğru kete edi. O yerde olğan adamlarnıñ videolarında sağ köçüriciniñ yanğını körüne.
Tahqiqiy komitet cinaiy dava açacağını bildirdi.
