Link açıqlığı

Aqmescitniñ merkezinde bir sıra soqaqlarnıñ adları deñişecek, dep ayttı Aqmescit yolbaşçısı Viktor Ageyev, haber ete şeer şurasınıñ matbuat hızmeti.

Yolbaşçınıñ malümatına köre, bu kibi teklif tanılmağan Qırım Cumhuriyetiniñ devlet şurasından seslendirildi.

Böyleliknen, aşağıdaki soqaqlarnıñ evelki adları qaytarılacaq:

K.Marks soq. – Yekaterina soq.;

Şmidt soq. – Potömkin soq;

Vorovskiy soq. – Vorontsov soq.;

Lenin soq. – Lazarev soq.;

Jelâbov soq. – Gübernskaya soq.;

Dzerjinskiy soq. – Arendt soq.

Bundan ğayrı, Lenin meydanını Ğalebe meydanı, Kirov caddesini ise Cumhuriyet caddesi olaraq adlandırmağa teklif etildi.

«Soqaqlarnıñ adlarını deñiştirsek, bir sıra masraflar olacaq – adresler deñişecek, böyle etip, adamlarnıñ, teşkilât ve müessiselerniñ vesiqaları deñişecek, yañı leyhalar kerek olacaq, onıñ içün eski adlarğa qaytuv esnası adım-adım keçirilecek, qalabalıq ve añlaşılmamazlıq olmasın dep, soqaqlarda eski ve qaytarılğan adlarnen leyhalar peyda olacaq. Men bu işni kommunal hızmetlerine avale ettim», – dep ayttı Ageyev.
XS
SM
MD
LG