Link açıqlığı

Saatnıñ esas haberi

Aqmescitte küçlü yel tereklerni yıqa, bir qaç mikrorayon elektriksiz qaldı


Aqmescitte yoıqılğan terek, arhiv fotoresimi
Aqmescitte yoıqılğan terek, arhiv fotoresimi

Aqmescitte küçlü yel tereklerni yıqa, elektrik telleri üzüle, bazı mikrorayonlar elektriksiz qaldı. Bu aqta Qırım.Aqiqat mühbiri bildire.

Kuybışev meydanında ve Mate Zalki soqağında, Maryino mikrorayonında elektrik yoq.

Mühbirniñ malümatına köre, yel quvetleşe. Yüksek binalarnıñ damlarnı qoparıp ala.

Yıqılğan tereklerniñ foto ve videoları içtimaiy ağlarda derc etile.

«Krımenergo» yaramay avanıñ aqibetleri aqqında resmiy şekilde bildirmey.

Daa evel berilgen malümatqa köre, noyabrniñ 29-nda kündüz ve noyabrniñ 30-nda Aqmescitte cenübiy-ğarbiy yel şimaliy-ğarbiy yelge deñişip, saniyede 25 metr esecek. Salı künü küçlü yağanaqlar yağması tahmin etile.

Qırımda noyabrniñ 30-na qadar furtuna ihtarı ilân etildi. Aqyar qurtarıcıları da yaramay ava aqqında bildire.

Qırımda ilk qış künleri suvuq ve qarlı ava olacaq, dep tahmin etile.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG