Cumaertesi künü, fevralniñ 13-nde, qırımda Aqmescit yaqınlarında 32 maşina çatışqan yol qazası yüz berdi.
Yaralanğanlar yoq, dep bildirdi Qırımdaki Rusiye İç işler nazirliginiñ matbuat hızmeti TASS agentligine.
«Aqmescit rayonında Ukraina ile sıñır yolunda (Qırım ve Herson vilâyetiniñ memuriy sıñırı – QA) – Aqmescit – Aluşta – Yalta – Sarabuz köyüniñ burulışı rayonında 32 maşina çatışqan bir qaç yol qazası oldı. Yol qazasında yaralanğanlar yoq», – dep aytıla haberde.
Berilgen malümatqa köre, qar çoq yağğanı içün Aqmescitte cemaat naqliyatı işi zorlaştı.
Bundan ğayrı, yaramay ava «Aqmescit» ava limanında tahminen 20 uçuşnıñ keç qalmasına sebep oldı.
Qırımda ayaz ve qar aqqında furtuna havfı devam ete. Fevralniñ 18-ne qadar ava arareti iklim normasından 7-8 derece az olacaq.
