Link açıqlığı

Saatnıñ esas haberi

Faaller Aqmescit, Yalta, Aqyar ve Kefede Ukrayınağa qoltutuv risalelerini yapıştırdı


Nümüneviy fotoresim
Nümüneviy fotoresim

Aqmescit, Yalta, Aqyar ve Kefede Ukrayınağa qoltutuv risaleleri peyda oldı, dep haber ete «Jovta striçka» areketi Telegram kanalında.

«Jovta striçka» («Sarı şerit») faalleri işini devam ettire. Yañı risaleler tarqattıq, sarı şeritler bağlaymız ve yañı graffiti sızdıq. Faallerimizniñ işi işğal etilgen Qırımda Ukrayına tirenüvi bar olğanını köstere! Aqmescit ve Aqyarğa Ukrayına bayrağınıñ qaytmasına aylar qaldı», – dep aytıla haberde.

«Jovta striçka» Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.

Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG