İşğal etilgen Aqmescitniñ demir yol vokzalında «Trenlerge çıquv» ukrain yazısını yoq ettiler, dep bildire 0652.ua.
Bunı tasdiqlağan fotoresimlerni içtimaiy ağda qullanıcılardan biri yerleştirdi.
«Aqmescitte ukrain yazılarını yoq etmege başladılarmı? Mına bu foto ukrain yazısını alıp taşlağanlarını tasdiqlay (bundan evel anda bir taraftan – rusça, ekinci taraftan – ukraincası bar edi). Yañı Anayasa metninde açıq-aydın yazılğan ki, ukrain tili – üç devlet tilinden biridir. Onı devlet tili olaraq qabul etseler, ne içün ukrain yazılarını alıp taşlaylar eken?», – dep yazdı foto muellifi.
Qırım işğalinden soñ yerli «akimiyet» Ukrainanen bağlı er şey, şu cümleden bayraqlarnı tez-tez yoq etip başladı. Böylece, mart 18-de Rusiye prezidenti Vladimir Putin Qırım Muhtar Cumhuriyetiniñ Rusiye terkibine aluv aqqında qararnı imzalağan soñ, Qırım parlamentiniñ binasından «Qırım Muhtar Cumhuriyetiniñ Yuqarı Radası» ukrainca ve qırımtatarca yazılğan adı alıp taşlanğan.
