Link açıqlığı

Aqmescit ukrain mektep-gimnaziyasınıñ oqutuv tili ve statusı bazı talebelerniñ ana-babaları istegi ile deñişe bilmez


Ana-babalar şurasınıñ reisi Valentina Samarnıñ aytqanına köre, mektepniñ öz nizamnamesi bar, mında onıñ statusı belgilene. Ve statusnıñ deñişüvi aqqında qararnı ana-babalar ala bilmezler.

«Rus tilinde oqumağa istegen balalarnıñ aqqlarını amelge keçirmek içün Aqmescitte 60 mektep bar. Lâkin tek bu mektepte talebeler ukrain tilinde oqumağa aqqını tapa bileler. Ukrain tilinde tasil alğan balalar tek mında kele bileler», – qayd etti Samar.

Onıñ fikirince, ana-babalarnıñ oqutuv tilni deñiştirmek istekleri bunı ifadeley, olarnıñ bir qısmı öz balalarnı ukrain mektebine tilni ögrtemek degil de, yalıñız mında olğan güzel şaraitler içün bere ekenler.

Samar şunı da qayd etti ki, Aqmescit ukrain mektep-gimnaziyasında tasil alğan balalarnıñ ana-babaları şeer tasil idaresine öz vazifesinden vazgeçken Natalya Rudenkoğa yılnıñ soñuna qadar metkep müdiri vazifelerni eda etmege imkân bermek muracaatı ile bulunacaqlar.

Aprel 10 künü Aqmescit Ukrain gimnaziyasınıñ müdiri Natalya Rudenko «Aksönov imaesi» ve Aqmescit şeer şurasınıñ memurları sıqıştıruvı neticesinde işten çıqmağa mecbur oldı. Bundan evel «Qırım tasil nazirliginde» ukrain gimnaziyanırus tilli mektebine çevirmege qarar alında. Tünevin memurlar umumiy ana-baba toplaşuvınıñ keçirilmesine keder etmege tırıştılar.
XS
SM
MD
LG