Aqmescit suv anbarında bir aqay yuvunğanda battı, dep bildire FVN-niñ Qırım idaresi.
Müessisege köre, adise iyün 5-inde aqşam oldı. Suv anbarınıñ sol yalısı yanında 48 yaşındaki aqay yaldağan vaqtında yoq oldı, şeyleri ise yalıda qaldı, dep bildirildi qurtaruv hızmetine.
“O yerge kelip, qurtarıcılar qıdıruvnı başladı. Neticede dalıcı qurtarıcılar Aqmescit suv anbarınıñ suvlarında, yalıdan 5 metr mesafede ve 3 metr terenlikte aqaynıñ cesedini taptı. Bundan soñ qalğan areketlerni tahqiqat organlarınıñ hadimleri yapa edi”, - dedi yarımada FVN-niñ başı Sergey Şahov.
FVN-niñ malümatına köre, yılnıñ başında Qırımnıñ suv obyektlerinde 8 qaza oldı, olarda 5 adam elâk oldı.
