Cuma künü, yanvarnıñ 8-nde, Aqmescitte daa bir ava arareti rekordı bastırıldı. Bu aqta Qırım Gidromettsentrnıñ matbuat hızmeti haber etti.
“Yanvarnıñ 8-nde Aqmescit şeerinde ortalama künlük ava arareti 6,5° edi, bu ortalama çoq yıllıq köstegiçinden 6,8° yüksektir”, – yazıla bildirmede.
Hatırlatamız ki, yanvarnıñ 6-nda Aqmescitte ava arareti +17,6° derecesine çıqqan edi.
Rusiye Gidromettsentr ilmiy reberi Roman Vilfand Qırım sakinleri içün "anomal sıcaq" yanvar ayını tahmin etken edi.
