Aqmescit sakinleri üylege yaqın yüz bergen patlav aqqında içtimaiy ağlarda yazalar. Şeerniñ farqlı rayonlarında bir ses eşitildi.
Sakinlerniñ yazğanına köre, Merkeziy avtovokzal ve «Moskva» musafirhanesi yanında maşinalarnıñ signalizatsiyası çalışmağa başladı.
Qırımdaki Rusiye fevqulâde vaziyetler hızmeti idaresiniñ saytında Aqmescitte yüz bergen bir-de-bir adise aqqında malümat şimdilik yoq.
Dekabr ayınıñ soñunda Aqmescit sakinleri içtimaiy ağlarda belli olmağan küçlü bir davuş aqqında bildirgen edi. Aqmescitliler onıñ sebebi uçaq olması mümkün, dep tahmin edi.
