Soñki bir afta içinde Aqmescit sakinlerinde suv teminatı problemaları ile bağlı muracaatlar bayağı arttı. Bunı şeer başı Yelena Protsenko operativ ştabnıñ oturışında ayttı.
"Aqmescit sakinlerini meraqlandırğan esas meseleler - suv teminatı cedvelleri, borularnıñ yırtıluvı ve suvnıñ keyfiyeti. Sentâbr 14-ünden 17-sine qadar 250 muracaat, içtimaiy ağlarda -186 mektüp keldi", - haber etti Protsenko.
O qayd etti ki, Rostovskaya soqağınıñ sakinleri suv keyfiyeti sebebinden muracaat ete ediler.
"Filtrlerni deñiştirdik, meseleni çezmek içün çareler qıdıramız", - dedi Protsenko.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
