Aqmescit rayonınıñ Şumhay köyünde ölü tereklerniñ 15 gektarı yandı. Bunı Qırım FVN-niñ naziri Sergey Şahov aytıp berdi.
"Qurtarıcılar hortum hattlarını qoyıp ateşni söndürip başladılar. Yanğıncılarnıñ semereli areketleri neticesinde yanğınnı eki saatta söndürdiler, alev 15 gektarlıq mıntaqanı qapladı",- denile beyanatta.
Böylece, Bağçasaray rayonında Biya Sala (Verhoreçye) orman müdirligi territoriyasında yanğın oldı. Onı 12 saattan soñ söndürip oldılar.
Aprelniñ 7-sinde aqşam dağcılar Yalta orman qoruğında Botkin soqağı civarında 0,6 gektarnı qaplap alğan yanğınnı söndürgenleri aqqında belli oldı.
Daa evel bildirile edi ki, aprelniñ 5-inde Yalta orman qoruğında olğan yanığn söndürildi.
Rusiyeniñ Qırım boyunca FVN-niñ malümatına köre, kecken afta yarımadada 84 yanğın oldı.
Qurtarıcılaq martnıñ 16-sında aqşam Yalta dağ-roman qoruğında Üç Qoş deresindeki olğan yanğınnı söndürdi. Bunı Rusiye FVN-niñ Qırım idaresi bildirdi.
