Aqmescit merkezinde Karla Marksa soqağında patapatçı Krım 24 rusiye telekanalınıñ mühbiri Nikolay Uvarovnı urdı. Bunıñ videosını kanalnıñ yayınında kösterdiler.
"O, yaş balanen qartiyge az qalıp aydap uracaqta, onı birinci kere tenbiyeledim, soñ, o aylanıp qaytqanda, ekinci sefer", - aytıp berdi urulğan jurnalist.
O yerde olğan adamlardan birisi, Oleg Şarbayev, kişi agressiv olğanını ve mühbiri urıp başlağanını ayttı.
Nikalaynıñ qanı aqıp başladı, siyarıntıları peyda oldı, o, ekimlernen beraber hastahanege ketti, denile yayında.
Jurnalistni kim urğanı daa belli degil, amma Qırımdaki rusiye polisi, vaziyetni nezaret altına aldılar, dep ayttı.
"Şimdi teşkerüv keçirile. Onıñ neticesinde qanun boyunca qararlar berilecek", dedi İİN-niñ hadimi Olga Kondraşova.
