Aqmescitte, bayram kontsertine azırlanuvlar içün Lenin adına Merkeziy meydan qapatıldı, bundan sebep evel yapılacaq bir qaç tedbir da lâğu etildi, dep bildire “Krıminform”.
Matbuatnıñ malümatına köre, meydandan keçit sıñırlanğan, onıñ yanında polis hadimleri nevbetçilik ete. Kontsert sebebinden bir qaç merasim lâğu etildi, hususan, mında beden medeniyeti boyunca sınav keçirmek içün meydançıq azırlanılacaq, sportçularnıñ yarışması keçirilecek edi.
“Merasimlerni, kontsertke azırlıq körülgeni içün lağu etildi, bizge razılıq bermediler’, - deyler Qırımnıñ Sport nazirligi matbuatqa.
Bundan ğayrı, Lenin meydanında keçirilecek Qırım ustalarınıñ yarmalığı da lâğu etildi, dep bildire ‘Krıminform”.
Aqmescitte bayram tedbirleriniñ keçirileceginden sebep bazı qavehane ve restoranlar da çalışmay, alkogol ve sigaret satqan tükânlar qapalı. Yerastı keçitinde bütün tükânçıqlar qapalı, dep bildire matbuat.
5-летие «Крымской весны» в Симферополе отметили маршем (фоторепортаж)
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti
