Kerekmegen yerlerde tamir eteler – qırımlılar Aqmescit yolları aqqında ayta (video)
Kreml kontrolindeki Qırım ükümetiniñ teşkerüv gruppasınıñ neticelerine köre Aqmescitniñ Rusiye memuriyetiniñ işi yaramay dep tanıldı, dep bildirdi matbuat hızmeti. Teşkerüv, Aqmescitniñ bazı obyektlerinde yollarnıñ tamir etilme cedveline uymağanını qayd etti. Ükümetniñ malümatına köre, şeerniñ eñ problemli yerleri Bavurçı (Kamenka) qasabası, Kirov ve Sevastopolskaya soqaqlarındaki yollar ola. Qırım.Aqiqat, yerli sakinlerden şeerdeki yollarnıñ tamir etilmesine nasıl yanaşqanlarını sorap bildi.