Link açıqlığı

Saatnıñ esas haberi

Aqmescit mahkemesi «nezaketli insanlar» abidesine boya tökken erkekni apiske aldı


Aqmescitteki «nezaketli insanlar» abidesi
Aqmescitteki «nezaketli insanlar» abidesi

Kreml kontrolindeki Aqmescitniñ Merkeziy rayon mahkemesi 2019 senesi yanvarniñ 29-nda Ukraina vatandaşı Maksim Sokurenkonı apiske aldı. Tahqiqatnıñ bildirgenine köre, bu insan Aqmescit merkezindeki «nezaketli insanlar» abidesine boya tökken. Bu aqta mahkemeniñ saytında aytıla.

İmaye, apiske alınğan kişi ya da tuvğanlarınıñ izaatları şimdilik yoq.

Adise yanvar ayınıñ soñunda oldı. Rusiye insan aqları vekâletlisi Tatyana Moskalkova tutulğan kişi Kyiv sakini ola, dep bildire. Onı vandallıqta (Rusiye Ceza kodeksiniñ 214-ünci maddesiniñ 2-nci qısmı) qabaatlaylar.

Aqmescitteki «nezaketli insanlar» abidesi 2016 senesi iyül ayında Qırımnıñ Rusiye yolbaşçısınıñ babası Valeriy Aksenovnıñ teşebbüsi ile tiklendi.

2014 senesi Qırımda dünyada tanılmağan «referendum» keçirilgende iç bir işareti olmağan insanlar peyda olğan edi. Olar Ukraina ordusınıñ areketlerini blok etken edi. Daa soñra Rusiye prezidenti Vladimir Putin «nezaketli insanlarnıñ» Rusiye Silâlı quvetleriniñ hadimleri olğanını tanıdı.

XS
SM
MD
LG