Aqmescit (Simferopol) kommunal hızmetleri, Yañı yıl arfesinde şeerde büyük cıyıştıruv yaptı, dep bildire şeer memuriyetiniñ matbuat hızmeti.
“Gorod” şirketiniñ hadimleri 19 şeer park ve bağçasını, Salgır boyunı cıyıştırdı: quru otnı çaldılar, fışqınlarnı baltaladılar, yapraq ve çöplükni cıyıp alıp çıqtılar. Sevastopolskaya, Pavlenko, 60 let Oktâbrâ, Gagarina, Kiyevskaya ve basqa soqaqlarda yol işaretleri ve cayav mıntaqalarını temizlediler”, - dep bildirile beyanatta.
Memuriyette, kecken afta devamında #38 nomeralı mektepke ait olğan topraq temizlengeni bildirile, o yerden quru ve qırılğan pıtaqlarnı, yapraq ve taşlantılar cıyıldı.
“Bir kün içınde kommunal hızmetler 3 biñ metr kub taşlantılarnı alıp çıqtı. İşte 45 maşna isletildi”, - dep bildirdiler muessisede.
