Aqmescit kirişlerinde Rusiye gvardiyasınıñ hadimleri maşina, eşya ve cep telefonlarını teşkerip başladı, dep bildirdi «Qırım epizodı» aq qorçalayıcı teşebbüsi.
Berilgen malümatqa köre, böyle teşkerüvler Canköy ve Ermeni Bazar kirişlerinde, Yaltağa ketkende Anğara boğazında yapıla edi.
«Aydavcı/yolcular uquq bozğanında şübheli olsa, maşinalar baqıla bile. Teşkerüv vaqtında 2 şaat olmalı ve protokol tizilmeli», – dep qayd etile haberde.
Böyle teşkerüvlerniñ sebepleri aydınlatılmay.
Muarririyet «Qırım epizodınıñ» malümatını tasdıqlap olamay.
Milliy tirenüv merkezi bildirgenine köre, Qırımnıñ Rusiye akimiyeti gizli areketlerni tapmaq içün tedbirlerni quvetleştirecek. Vesiqalar yahşı teşkerilecek, naqliyat vastaları ve vesiqaları baqılacaq. Rusiye uquq qoruyıcıları baqılğan internet saifeleri, içtimaiy ağlardaki taqipler, cep telefonında VPN teşkerdi, dep bildirgen edi Milliy tirenüv merkezi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
