Qırım ve Aqyardaki Rospotrebnadşçor idaresiniñ yolbaşçısı Natalya Penkovskaya bildirdi ki, Qırımnıñ üç regionında keskin nefes virus yuqunçı (KNVY – ORVİ) hastaları yüksek seviyede qala.
«Nefes yuqunçı hastalarınıñ seviyesi farqlıdır. Cumhuriyetke baqqanda hasta sayısı 1,5-2 qat yüksek olğan bir qaç regionımız bar. Aqmescit, Keriç ve Kefe ve daa eki region – Sudaq ve Aqmeçet rayonı. Qalğan regionlarda nefes ve virus yuqunçı çoq degil», – dep bildirdi Penkovskaya yanvarniñ 27-nde COVID-19 ile küreş operativ ştabınıñ toplaşuvında.
Onıñ aytqanına köre, keçken afta Qırımda paragripp, metopnevmoniya ve bukavirus hastaları qayd etildi.
«Yani Qırımda nefes yuqunçları artqan mevsimge kiremiz. Bu yanvarniñ soñu – fevralniñ başıdır», – dep qoştı Penkovskaya.
Keçken afta Qırımnıñ baş sanitar ekimi bildirdi ki, yarımadada keskin nefes virus yuqunçı hastalarınıñ sayısı keçken senege baqqanda dört qat arttı.
