Rusiye ve Qırım haber vastaları oktâbrniñ 19-nda Aqmescit rayonındaki Aqmescit İssilik elektrostantsiyası yanında pilotsız uçaq urıp tüşürilgenini haber ete.
"Aqmescit rayonındaki İvanovka köyü civarında sabaa saat yedilerde daa bir pilotsız uçaq urıp tüşürildi. Parçaları evlerden biriniñ bostanına tüşti. Kimse zarar körmedi", - dep haber ete "Mash na volne"
Qırım telegram kanalları İvanovka köyünde bostanda pilotsız uçaqqa beñzegen parçalar ile video yayınladı. Bu videonı çekken erkek ücüm nişanı İvanovkadaki Aqmescit İssilik elektrostantsiyası olğanını tahmin etti.
Oktâbrniñ 19-nda saba Rusiyeniñ Aqyar memuriyetiniñ yolbaşçısı Mihail Razvojayev şeerde pilotsız uçaq urıp tüşürilgenini tasdıqladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
