Aqmescitte Gagarin parkınıñ tıynağında sentâbrniñ 4-nde er adamnıñ cesedi tapıldı. Bu aqta Qırım ve Rusiye kütleviy haber vastaları uquq qoruyıcılarğa esaslanıp bildire.
«Krıminform» malümatına köre, er adam tıynaqtan çıqarıldı, teşkerüv yapıla, ölüm sebepleri ögrenilecek.
«RİA Krım» Rusiye haber agentliginiñ Tahqiqat komitetiniñ malümatına esaslanıp bildire ki, al-azırda adise ögrenilmekte.
Qırımdaki İç işler nazirligi ve Tahqiqat komitetiniñ saytlarında mezkür malümat şimdilik yoq.
Daa evel haber etilgeni kibi, Qazan Tip körfezindeki Çegene (Zolotoye) köyü rayonında er adamnıñ cesedi tapıldı. Keriç civarındaki «Port-Krım» parom keçitı rayonında qurtarıcılar er adamnıñ cesedini taptı.
