İlhaq etilgen Qırımda dekabr 6-sında mahkeme, ukrain faal Oleg Prıhodkonıñ tevqifini eki ayğa uzattı.
Advokat Nazim Şeihmambetov Qırım.Aqiqat mühbirine bildirgeni kibi, Rusiye nezaretindeki Aqmescitniñ Kiyev rayon mahkemesiniñ mahkemecisi Yelena Holodnaya, Oleg Prıhodkonıñ tevqifini 2020 senesi fevral 10-una qadar uzattı.
"Oleg Arkadyeviç, oña qarşı IV Jeneva şartnamesiniñ normaları qullanmalı, dep bildirdi. Onıñce, bütün mahkeme - bu arbiy cinayet ve o Halqara mahkemede tahqiq etilecek, dep ayttı. O, oña qarşı açılğan davanın siyasiy sebepleri bar, dep israr ete", - aytıp berdi advokat.
Mahkeme oturışı qapalı şekilde keçirile edi, protsesske Prıhodkonıñ tuvğanlarını bile yibermediler.
Daa evel bildirile edi ki, rusiyeli Maliyeviy nezaret hızmeti, Oleg Prıhodkonı ekstremist faaliyetine ya da terrorcılıqqa ait olğan şahıslarnıñ cedveline kirsetti.
