Link açıqlığı

«Aqmescit-Donetsk» poyezdiniñ başlığı yaqalandı. Onı terroristler ile alâqası olğanında qabaatlaylar


Melitopol sıñır bekçileri «Aqmescit-Donetsk» poyezdiniñ başlığını yaqaladılar. Onı terroristler ile alâqası olğanında qabaatlaylar.

Bu malümatnı «Melitopol» sıñır bölüginiñ komandanı muavini Sergiy Gulçak tasdiqladı, dep bildire Ukrinform.

«Aqmescitten Donetskke yol alğan poyezdniñ başlığında ilâclar ile 8 qutu tapqanlar. Olarda bint, ağrını yoq etken ilâclar, şu cümleden afyon da bar edi. Laf qısqası, birinci yardımnı köstermek içün er şey bar», – dedi Sergey Gulçak.

Onıñ sözlerine köre, «işbu yük sıñır bekçilerinde ve uquq qorçalayıcılarında şübe doğurdı. Onıñ nasibi açıq-aydındır», – dedi o.

Şunıñ içün, aytqanı kibi, ilâclarnı tutıp almaq, poyezd başını ise Ukraina havfsızlıq hızmetiniñ vekillerine teslim etmek qarar alındı.
XS
SM
MD
LG