Aqmescitte dögülip qoşulğan Qırım ile demirli harita totlandı. Qırım.Aqiqat mühbiri haber etkeni kibi, tot haritanıñ bazı parçalarını bastı, hususan, Moskova, Tver, Novgorod ve Saratov vilâyetlerini.
İlhaq etilgen yarımada ile demir haritanı Halqlar birligi künü, 2019 senesi noyabr 4-ünde, Qırımnıñ ve şeerniñ yañı "Qırım vaqtı" art obyekti kibi tantanalı açtılar. Uzunlığı 10 metr ve keñligi 4 metrlik inşaat üzerinde bir yıl devamında 300 rusiye demircisi çalıştı.
Demirciler festivali çerçivesinde olar eserini Trenöv adında parkta cıyıp tikledi, harita küneş saatı kibi de çalışa.
"Qırım vaqtı" obyektini yapqan ustalar, "eserleri qoruyıcı qatlam ile şıqlandı ve iç bir korroziyadan qorqmay", dep Qırım.Aqiqat mühbirini işandırdı.
