Link açıqlığı

Saatnıñ esas haberi

Aqmescit civarındaki köyde 3 yaşında oğlançıq ğayıp oldı


Aqmescit rayonınıñ Mamaq (Stroganovka) köyünde yerli sakinler coyulğan üç yaşında oğlançıqnı bir qaç saattan berli qıdıra. Bu aqta qırımlı jurnalist Lilâ Bucurova bildire.

«Qırım birdemligi» cemaat birleşmesiniñ malümatına köre, ğayıp olğan Musa Suleymanov – cemaat jurnalisti, Aqmescitteki ekinci «Hizb ut-Tahrir davasınıñ» mabüsi Ruslan Suleymanovnıñ oğludır.

«Bala evniñ yanında, Armut soq., 8 adresi boyunca qum havuzında oynap tura edi. Soñki sefer onı aqşam saat altılarnıñ başında körgenler», – dep aytıla haberde.

Faaller Qırım sakinlerini balanı qıdıruvda yardım etmelerine çağıra.

Qırımdaki Rusiye Fevqulâde vaziyetler nazirliginiñ idaresi bala ğayıp olğanını ve qıdırılğanını daa haber etmedi.

XS
SM
MD
LG