Aqmescit civarında keçirilgen tintüvden soñ Rusiye quvetçileri yerli sakin, «narazılıq meydanınıñ» iştirakçisi Dilâver Alimovnı sorğuğa alıp ketti.
Bu aqta «Qırım birdemligi» cemaat birleşmesi haber ete. Tahqiqat tedbirleri saba saat 6-larda başlandı. Tintüv yekünlendi.
Aprelniñ 25-nde Aqmescit civarındaki Bötke (Dubki) köyünde yerli sakin, «narazılıq meydanınıñ» iştirakçisi Dilâver Alimovnıñ evinde tintüv keçirildi.
Tintüvnen bağlı diger tafsilâtlar daa belli degil. Qırım.Aqiqat tafsilâtlı malümat almağa tırışa. Rusiye quvetçileri tintüvlerni izaatlamay.
İlhaq etilgen Qırımnıñ Rusiye akimiyeti qırımtatarlarnıñ evleri turğan topraq damartılarını sata. Qurucılıq şirketleri satın alğan topraqlarda qora qoya, yerli sakinler ise buña qarşı narazılıq bildire.
Qırımtatarlar ev qurğan «Strelkovaya» narazılıq meydanında» «Krımskaya roza» adlı 9 biñ kişilik yañı rayonnı qurmağa azırlanalar. Mesken evlerden ğayrı, mektep, bala bağçaları, sport kompleksleri ve tükânlarnı qurmağa planlaştırıla.
