Aqmescit rayonınıñ Mamaq (Stroganovka) köyünde iyülniñ 24-nde aqşam coyulğan 3 yaşında Musa Suleymanovnı qıdırmağa devam eteler.
«Qırım birdemligi» cemaat birleşmesi bildirgenine köre, Rusiye politsiyasınıñ hadimleri, kinologlar, Qırımdaki Rusiye Fevqulâde vaziyetler nazirliginiñ idare vekilleri keldi. Politsiya kvadrokopter işletmege azırlana, dep qayd ete faaller.
Ğayıp olğan insanlarnı qıdırğan «Liza Alert» teşkilâtınıñ göñüllileri keldi.
Üç yaşında Musa Suleymanovnı soñki sefer saat 18:00-larda Armut soq., 8 adresi boyunca ev yanında körgenler, qum havuzında oynap otura edi.
Coyulğan oğlançıq – cemaat jurnalisti, Aqmescitteki ekinci «Hizb ut-Tahrir davasınıñ» mabüsi Ruslan Suleymanovnıñ oğludır.
Rusiye politsiyası ve Fevqulâde vaziyetler nazirliginiñ idare vekilleri bala ğayıp oluvını açıq sürette daa izaatlamadılar.
