Aqyarda (Sevastopol) spetsnaz askerleri ve hafiyeler, balalarğa Afğanistan cenki aqqında ikâye ete ediler, Rosgvardiya askerleri ise BTRlerde yüzgüze ediler.
Bunı, Rosgvardiya Aqyar idaresiniñ matbuat hızmeti bildire.
Müessisege köre, tedbir, "Sokol" Mahsus maqsatlar bolüginiñ (spetsnaz) yaratıluv Kününiñ 69 yıllığına bağışlanğan.
"Tedbirde spetsnaz bölüginiñ veteran askerleri de iştirak etti, olar, balalarğa Afğanistan cenkinen bağlı öz ömürlerinden bazı levhalarnı ikâye etti. Balalar, Rosgvardiya hadimleriniñ mahsus kiyimini ölçep baqtı", - denile beyanatta.
Müessise malümatına köre, körüşüvniñ soñunda "bütün istegenler, askerlerniñ nezareti astında zırhlı taşıyıcıda yürip baqtı".
